Brasiliä

Zäg u scho dr letst Stop: Brasiliä 🙂 Vo Iguazu mitem Bus nach Sao Pualo u dört eigentlech ufd Ihla Grande isch dr Plan gsi. Leider het dr Busfahrplan in Sao Paulo u aber ou dr Wätterbricht voder Ihla Grande nid so ganz mitgspiut. U de simer ufne Bus diräkt nach Rio de Janeiro. Nach paar[…]

Palenque, Puebla & Mexiko DF (Mexiko)

Einisch me zrügg in Mexiko isch d’Routä dasmau vor Guatemalischä Gränzä bis ufä nach Mexico City – via Palenque, Agua Azul, Puebla, Cholula. Puebla het äs wunderschöns (UNESCO-) Zentrum u ganz viu Chiläli u Museeä u im nöchä Cholula gsehtmä bis zum «Popo(catépetl)»-Vulkan. Siuvester isch de in Mexiko Stadt agseit gsi mitemnä gigantischä Füürwärch im Zäntrum. Witer vo[…]

Guatemala

Z’Guatemala isches einisch quer dürä nördlech Teil bis zur mexikanischä Gränzä. über d’Gränzä in Belize isches grad diräkt zum Tikal Nationaupark gangä. Dert hani d’Maya Ruinä «Tikal» gägä Abä mitem Sunnäungergang agluegt u am nächschtä morgä de o nu grad dr Sunnäufgang u dr ganz morgä bidä Ruinä verbracht. Am Namittag bini witer nach Flores mitem See[…]

Belize

Belize hetmi aus erschts chli drus bracht u i has aus sehr komischs Land empfungä. Nid numä das nid-Spanisch-&-nid-änglisch-aber-doch-beides-Sprachädüränang, sondern eifach ou süsch dä kulturell Mix mit aunä möglächä Huutfarbä u Abstammigä, Spanisch, Amerikanisch, änglisch, Afrikanisch, Maya, Latino, …. rasistisch bini nid! I hät eifach niä dermit grächnet, wöui schlichtwäg nid viu über Belize gwüsst ka ha u[…]

Havana (Kuba)

Nacherä Wuchä dür Mexiko cruisä heimer beschlossä nu ä Abstächer uf Kuba i’zlegä u am Dsischti simer arrivederci gsi in Mexiko u ab ufem Wäg nach Kuba. Leider het’s numä nu für 4 Täg Havana glängt, wöu de oscho gli z’änd vo dänä 2 Wuchä isch cho, das het üs de aber ou ganz guet glängt ka fürnä[…]

Quintana Roo, Campeche & Yucatan (Mexiko)

Ab id Wermi isches de oscho am 1. Dezämber nach paar Täg Winter in Vancouver. Aber nid ganz ällei – nach zwe Täg isch nämlech scho höchä Bsuech vo mim Zürcher Fratello äm Ste agseit gsi u 2 Wuchä grande fiesta. Am Samsti bininä am Flughafä ga abholä, hei äs Outo gschnappt u si eifach mau druflos gfahrä. Was derbi isch usächo[…]

Kanada

Tạm biệt, Sayonara, Adieu, Bye-bye Asiä… und ab id Cheuti und Zivilisation! Zmingscht für paar Täg. Mini Akunft in Vancouver isch zämägfasst sehr komisch gsi. Greist bini knapp 20 Stung, acho aber am glichligä Sunti Morgä wiäni in HCMC abgreist bi – 15 Stung retour bzw. 9 Stung fürä & Minus ei Tag – ja das hetmi[…]

Südvietnam

Et voilà itz chömemer nu zum 3. u letstä Teil vo Vietnam – dr warm Südä. Vietnam het so viu z’gseh u erläbä ka u vorauem mitem Töffli ischme ganz viuem verbi cho u dämentsprächend hets ou massiv me Fötäli gä aus viunä angerä Ortä/Länder. Vo Nha Trang bini am nächschte Morge witer richtig Mui Ne. Dert heimi d’Sand-Dünänä sehr[…]

Zentrauvietnam

Mitem Zug undem Töffli im Gepäck in Hue acho, hanimi aus erschts mau z’Fuess uuf zur nächschtä Tanksteu gmacht,wo zum Glück grad gäbig umä eggä gsi isch. Bim Abfahrtsbahnhof wird dr ganz Benzin-Tank abglah u wemä achunt nid widr ufgfüeut, dass hätti somit de o gwüsst (fürnes nächschts mau). 🙂 Nach paar Täg Hue isches witer aues Richtig Südä[…]

Nordvietnam

Mit jewius ämnä Nachtzug hanis vo Chengdu nach Kunming u vo Kunming nach Lao Cai adi vietnameseschi Gränzä im Nordä obä gschafft. Wahnsinnig fründlech ischme bir Ireis ufder vietnamesische Sitä nid empfangä wordä – anstatt dasses ä Stämpu het gä, ischmä wiä Dräck behandlet wordä u zwüschä 2 Schauterä hin u här gschickt wordä. Nachemnä Wili (u das[…]

Zhangjiajie, Chengdu, Jiuzhaigou & Huanglong (China)

Nachde Stedt isches de würklech langsam Zyt gsi chli usä is Grüänä z’ga u aus erschts bini nach Zhangjiajie. Mi ganz Reiseplan für China het grundsätzlech nur uf Ratschleg vo angerne Reisende u Chinesä basiert. Dänkt hani am 28. Oktober (Ireisedatum vo mim Vietnam-Visum) in Vietnam i’zreise u hamer gar nid auzu viu wöue vornä. Uf jedä[…]

Peking & Shanghai (China)

Woni in Hong Kong dr Pass mitem Visum für China widr idä Häng ha ka, isch für China nütme im Wäg gstange u 2 Täg speter bini oscho in Peking gstangä. Begrüässt wordä bini vo ganz viu Smog u Gstank. ä so viu Smog wie dert hani nu niä erläbt – das isch soo viu dräckägi Luft gsi, dasses het usgseh[…]

Macau

Zu Macau git’s nid wahnsinnig viu z’verzeuä.. Das isch ä soo chli u Zyt hani ou numä 1 Tag dert verbracht. Vo Hong Kong us chamä optimau ä Tagesusflug miter Fähri machä u d’Fahrt duret je ä Stung. I eim Tag hetmä in Macau ouscho aues gseh u mir hets zimlech guet gfauä. Im Verglich zu Hong Kong hani[…]

Hong Kong

Hong Kong – ja Hong Kong vorgseh wär das nid unbedingt gsi.. Wöui aber geng nu kes Visum für China ha ka, het mit Wäg vo Taiwan zersch mau witer nach Hong Kong gfüährt. In Seoul hanis Visum für China nid becho und in Taiwan hani ke Botschaft gfungä u därum hanimi de für Hong Kong entschide.[…]

Oschtküschtä (Taiwan)

Nach Kaoshiung isches mitem Bus witer bis zungerscht i südlechscht Zipfu vo Taiwan, i Kenting Nationau Park. Dä hani mitmä Velo erkundet u bi tatsächlech ou bis zum südlechschtä Punkt vo Taiwan gfahre. Vo Kenting bini witer d’Oschtküschtä ufä u aus erschts nach DuLan ir nöchi vo Taitung. Nach nidmau erä Stung bini oscho mit paar[…]

Seoul (Südkorea)

Vo Gyeongju bini widr mitem KTX-Schnäuzug witer bis nach Seoul. Dert bini de ou ä ganzi Wuchä blibä, wöui paar Sache ha wöuä erledigä u unger angerem fürnes China Visum ufd Botschaft ha wöuä. Ganz überrascht hetmi Seoul ou süsch wases aues kulturell z’bietä het u nid numä eifach ä risä Stadt isch. Trotzdäm muessi aber sägä[…]

Gyeongju (Südkorea)

Witer nach Busan und Jeju isches nach Gyeongju. Dert bini mitem KTX Schnäuzug u Bus härä cho u 2 Nächt blibä. Diä 2 Täg hei ou gäbig glängt zum aues a’zluegä, wöus nid wahnsinnig gross isch umä zmeischtä z’Fuess cha zrügglegä.     Villech öppä 2-3 Stung nachdämi bi acho simer vomnä ärdbäbä überrascht wordä. Auso besser[…]

Busan (Südkorea)

Mini Südkorea Reis startet in Busan im Südoschtä vo Südkorea. Vo Japan bini nach Busan, vo woni miter Fähri witer nach Jeju bi, nach paar Täg widr retour via Busan nach Gyeongju u zum Schluss nu nach Seoul. Ueber Busan hani bisi dert bi gsi praktisch nüt gwüsst u ha am Flughafä zum Glück ganz ä praktischä chlinä Guide zudä[…]

Japan 2. Teil

Vo Tokyo us hanimi entschidä aus erschts ämau ga dr Mount Fuji azluegä. Miter U-Bahn undem Bus ischmä i 2-3 Stundä vo Tokyo us in Fujikawaguchiko, woni paar Nächt bi blibä u ufnä schönä Tag ha gwartet, um ufä zum Gipfu z’ga. Nachem Mt. Fuji bini quer dürs Zügs nach Kyoto, woni ou widr mehräri Nächt blibä bi u[…]

Japan 1. Teil (Tokyo)

Witer geit’s für mi (Simon) ällei aus erschts nach Japan. Mitem Flugi bini vo Bangkok, nachdäm i mi vo mim Mami undem Brüetsch ha trennt, nach Tokyo gflogä. Nach so langer Zyt geng ds 2. oder ou mängisch ds 3. ungerwägs isches komisch gsi, plötzlech ganz ällei z’si u so ruhägi bzw. totau Schtiui Momäntä z’erläbä, womä süsch geng irgendöppis änang z’verzeuä het[…]

Thailand 2. Teil (Bangkok)

Vo Myanmar (Burma) retour cho, heimer ä Nacht u ä Tag in Bangkok verbracht us ds 3. numau so richtig gnossä. Ufem Programm si, näbsem grossä u beeidruckendä Grand Palace, Schniderer u Spa mit Gsichtsmaske, Massage u Pedicure gstange. >> Hiä geit’s zrügg zum 1. Teil Thailand Grand Palace Bi därä ungloublechä Mönschämängi heimer de druf verzichtet ganz aues vom Palascht ga azluegä.[…]

Thailand 1. Teil

Nachdämer üs ar Gränzä vor Olivia verabschidet hei, heimernis in Nang Rong, nid auzu wit entfärnt, nidergla. Dert heimer mitemnä Töffli d’Umgäbig erkundet u üs di 1. Thai-Massage gönnt. Vo dert us heimer üs ganz nöii Vorsätz gnu und gseit, dassmer itz mau numä nu düä Outostöpplä zum vo A nach B z’cho. Ds het de Dank dr[…]

Kambodscha

Vo Laos, nach wie vor ds 3., simer witer nach Kambodscha. In Kambodscha heimer üs us Zytgründ uf Siem Reap bzw. ufä Angkor Wat uds ganzä Areau beschränkt. Da di ganzi Alag so wahnsinnig gross isch, heimer für das 4 Täg brucht ka. Mä muess sägä mir sis mit Velos ou sehr gmüätlech agängä u heis gnossä mau paar Täg nid gross umäz’hetzä. Am letstä[…]

Laos

Am Dsischti, 19. Juli, simer zmitts ir Nacht vorder Gränzä abgladä wordä u gägä morgä sobaud si isch ufgangä überä gloffä nach Laos. Dert simer mitemnä Bus witer id Houptstadt Vientiane inä. Zersch heimer üs mau chli vo därä längä mehrtägigä Fahrt erhout. Zu üsärä Überraschig hets a jedem Eggä Baguettes u ganz feins Ässä ka u ou[…]

Ouschtraliä 2/2

>> Hiä geit’s zrügg zum 1. Teil Ouschtraliä Coober Pedy Hiä simer inä/es Landschaft/Dörfli cho, wo vou u ganz vo Opal-Minänä prägt isch. Im Dorf säuber git’s viu Attraktionä (Chilänä, Hüser, Bars, Restaurants, etc.) wo ungerirdisch i z.T. autä Minänä bout wordä si. Hiä ä katholischi Chilä wo vou u Ganz ungerirdisch isch! Zuedäm fingtmä[…]

Ouschtraliä 1/2

In Bali heimernis äs paar Täg bevormer Indonesiä hei müässä (Visum) verlah, ufnes ganz nöis nächschts Ziu geeiniget. Theoretisch hättemer uf Kuala Lumpur wöuä flügä u vo dert üsi Reis wie grob planet fortsetzä. Damer aber hei gmerkt wie ungloublech nöch mä vo Bali uf Ouschtraliä het u mä diä Möglechkeit (grad vor Schwiz us)[…]

Indonesiä

Nacherä morts längä Busfahrt wo ungfähr 25 Stung het duret u quet dür Borneo isch gange, simer in Pontianak im Indonesischä Teil acho. Pontianak ligt genau ufem Äquator u viu meh aus das het diä Stadt anid z’biätä ka. U därum heimer am nächschtä Tag üs ä Flüger nach Jakarta gnu. In Jakarta, was speziau[…]

Brunei Darussalam

Nach Kota Kinabalu und em Mount Kinabalu simer mit Muskukater i Bus igstigä u öppä 8h Stung uf Brunei gfahrä. U somit het ä richtägi Stämpu-Party oder villech besser -Massacker i üsnä Päss agfangä. Insgesamt heimer 1 Gränzä innerhaub vo Malaysia, 3 Landesgränzänä, totau 7x Zöu u insgesamt 8 Stämplä becho. Da Brunei zimlech chli[…]

Manila City & Luzon (Philippinä)

Witer vo Coron/Busuanga Island simer mitmä riisigä Passagierschiff, wo üs diräkt nach Manila City het bracht. Nach guet 16 Stung Fahrt über Nacht umänä wunderschönä Sunnäungergang, simer de ir gröschtä Metropolä vodä Philippinä (mit über 12 Mio. Iwohner u i 16 Städt ungerteilt) acho. Manila City In Manila het üs aus 1. vorauem diä Tanksteu[…]

Busuanga Island / Coron (Philippinä)

Nachdäm mer in El Nido uf Palawan üses Outo hei chönnä zrügg gä umer glücklecherwis doch nu hei ä Fähri gfungä wod Strecki El Nido <-> Coron het abote, simer nachemnä haubä Tag in Coron uf Busuanga acho. D’Überfahrt ufemnä eher chlinä Boot isch ä zimlech gwaglägi Aglägäheit gsi, wo aber het Spass gmacht. Nach[…]

Palawan (Philippinä)

Uf Palawan heimer nach dänä viunä Schiffsüberfahrtä aues chli gmüätlecher chönnä aga u viu umwärfend schöni Stränd, Insäli u super Schnorchu-Riffs chönnä gniässä. Wöu diä meischtä Stränd u Örtli sehr verteilt u zum Teil zimlech abgschnittä si, heimer in Puerto Princesa für guet 10 Täg chönnä äs Outo mietä, womer in El Nido hei zrügg gä.[…]

Bohol, Cebu City, Iloilo City & Cuyo Islands (Philippinä)

Mitärä RORO Fähri simer vo Camiguin diräkt übärä uf Bohol  u nach guet 4h Fahrt in Jagna acho. Dert simer när witer mitemnä Bus uf Taglibaran u vo dert numau mitemnä Bus uf Panglao Island. Bohol U da simer de ou ändlech fündig wordä was Tarsier abelangt. 🙂 Am pfüsälä, wie fasch die ganzi Zyt[…]

Camiguin (Philippinä)

Aus nächschts simer nacherä 3-Tagesreis (via Surigao City – Butuan City – Balingoan) in Camiguin acho. Ds Reisä ufdä Philippinä mit Bus u Schiff duuret rächt lang u während dr HOLY WEEK umso lenger, da denn Usnahmezuestang herrscht. Am beschtä nimmtmes eifach geng wie’s chunnt u so glassä wies geit. Camiguin isch ä relativ chlini Inslä[…]

Siargao (Philippinä)

Üsä Start ufdä Philippinä mit Siargao aus 1. Stopp – das Surfer-Paradies! Akunft mit üsärä Killer-Maschinä inklusiv Gwinnspiu im Flugzüg, haut typisch Filipino-Style so öppis. Im Resort Bamboo Garden simer für knapp 2 Wuchä verrumt gsi. U äs het üs gfauä 😉 Eis vo üsnä Zimmer-Gspändli i sirä schönschtä Pracht: Dr Food eifach äs Highlight![…]