Mini Südkorea Reis startet in Busan im Südoschtä vo Südkorea. Vo Japan bini nach Busan, vo woni miter Fähri witer nach Jeju bi, nach paar Täg widr retour via Busan nach Gyeongju u zum Schluss nu nach Seoul. Ueber Busan hani bisi dert bi gsi praktisch nüt gwüsst u ha am Flughafä zum Glück ganz ä praktischä chlinä Guide zudä schönschtä Plätzli gfungä ka. Dr Ifau mit Busan muesi ou zuegäh isch sehr spontan gsi u hanimi in Tokyo ersch am glichä Tag woni ou abgreist bi derzue entschidä. Uf jedä Fau würdi Busan uf ke Fau beröiä u ha mi Ufenthaut dert ou 2x verlengert. Insgesamt bini de ä ganzi Wuchä dert blibä.
Beomeosa Tämpu
Godangbong Gipfu
ja wenns schöns Wätter wäri…. de chöntmä überd Stadt gseh…
Geumsaem Spring
Busan Cinema Center
Jedes Jahr (nimi mau a) findet hiä ds Internationale Film Festival vo Busan statt (BIFF) www.biff.kr
Fisch Märit
So viu Fisch & Meeresgetier wiä dert hani nu säutä i mim Läbä gseh! ganz idrücklech 🙂
Houptbahnhof
sozsägä ä chlinä Bundesplatz in Südkorea 😉
Yeongdodaegyo Brügg
Obwouhs numä ä Brügg isch hetsimers scho chli a ta. Am 2 git’s jedä Tag für ungfähr ä Viertustung ä chlini Show, wosi ufä gla wird u si mit Schiff, Wassertöffä u Musig das ganzä präsentierä.
Haedong Yonggungsa Tämpu
Dr Tämpu an und fürsech hani nid äso wahnsinnig spezieu gfungä. Scho schön, aber wasmi me fasziniert het, dasser so Nöch am Wasser, auso praktisch id Steinä/Feusä dri bout isch wordä.
APEC Gebäude
Haeundae Strand
Di beidä Stränd womä diräkt ir Stadt findet hani wahnsinnig toll gfungä. So grossi Stränd, wo so suber si u mit so klarem Wasser hani nu niä i sorä grossä Stadt atroffä (dänki mau). U derzue isch dr, nid grad chli, Hafä nid wyt entfärnt.
Gwangan Strand
Ou dä Strand, genauso so schön 🙂
Gamcheon Culture Village
Und damit z’letstä Biud nid so düster isch – hiä nu chli typisch Koreanischs ässä, wasi dürz Band fein ha gfungä u eifach numä cha empfählä:
