Witer geit’s für mi (Simon) ällei aus erschts nach Japan. Mitem Flugi bini vo Bangkok, nachdäm i mi vo mim Mami undem Brüetsch ha trennt, nach Tokyo gflogä. Nach so langer Zyt geng ds 2. oder ou mängisch ds 3. ungerwägs isches komisch gsi, plötzlech ganz ällei z’si u so ruhägi bzw. totau Schtiui Momäntä z’erläbä, womä süsch geng irgendöppis änang z’verzeuä het ka. Nach paar Täg Apassigszyt isches de aber besser gange u i ha Tokyo u speter süsch nu Ortä in Japan vou u ganz chönnä gniessä. Äs isch de ou schnäu gangä u i ha ganz viu Lüt kennäglernt. Am Afang hani 5.5 u am Schluss de numau 2.5 Täg in Tokyo verbracht. Ir Zyt derzwüsch bini 8 Täg on Tour gsi, wasi im nächschtä Bitrag de meh derzue schribä u Biudli ufeladä. Hie chunnt aues über Tokyo:
Asakusa & Sensō-ji
Skytree
Dä het eifach müässä si u het zum pflichtprogramm ghört. MIt gloubs öppis über 600 Meter Höchi sig’s schins dr Höchscht Tower ufder Wäut u ou chum z’übersehä in Tokyo 😉
Obä hetmä ä wahnsinns 360° ussicht u je nach Wätter chönntmä sogar bis zum Mt. Fuji gseh.
ou gägä abä chamä luegä:
U ou in Japan isch z’Pokemon Fieber usbrochä..
Shinjuku & Gyoen National Garden
Shibuya
Gloub so fasziniert vo sorä Mängi Fuessgänger/vomnä Fuessgängerstreifä wiä in Shibuya bini nu niä gsi.
Hachikō:
Tokyo Tower & Tämpu
Food
Sushi!!!! Zu 200% im Sushi-Paradies No. 1 acho – eifach geniau Sushi a jedem Eggä 😀
Ramen: ou u fein. Sushi & Ramen het’s i dänä guet 2 Wuchä ou gnueg gä u fasch täglech derzue kört.
yummie 😀
Shōchū:
D’Plastik-Menüs überau im Schoufänschter hani zersch chli quer gfungä, aber de ganz schnäu öppis u tolls u vorauem ä gueti Hiuf zur Kommunikation, wöu fasch niemer änglisch cha u Japanisch mer doch ou ender frömd isch 😀
Fürwärk in Chofu
Im Ouguscht hani perfekt d’ändsummer-zyt preicht, wo’s geng mau wieder chli Fürwärch z’gseh git:
