Nachdämer üs ar Gränzä vor Olivia verabschidet hei, heimernis in Nang Rong, nid auzu wit entfärnt, nidergla. Dert heimer mitemnä Töffli d’Umgäbig erkundet u üs di 1. Thai-Massage gönnt. Vo dert us heimer üs ganz nöii Vorsätz gnu und gseit, dassmer itz mau numä nu düä Outostöpplä zum vo A nach B z’cho. Ds het de Dank dr Hiuf vomnä Steiautä-Thailänder wo mit sim Töffli äxtra aghautä het, zum üs cho z’ungerstützä, de ou klappet ka. Bim zwöitä Streckäbschnitt si üs ou widr ä Frou und ä Polizist cho häufä. 🙂 Jedäfau simer so ufnä lustägi Art u Wis in Nakhon Ratchasima, ärä grossä Stadt mit über 2 Mio. Iwohner, acho. Nacherä übernachtig isches vo dert doch widr mit Bussä (wöu ds Bus-Terminal grad diräkt vorder Hoteutürä isch gsi u Thailand würklech viu gueti u günstägi Verbindigä het) witer nach Ayutthaya. Nachdäm isches wyter nach Bangkok.
Nang Rong
Nang Rong het üs sehr positiv überrascht. Ds örtli isch nid auzu gross, mä fingt trotzdäm aues womä brucht u mitem Töffli (oder ou z’Fuess) ischmä wahnsinnig schnäu duss ir Natur u cha rächt viu i unmittubarer Nöchi ga aluegä.
Mount Ankarn Temple:
Hiä heimer 5 ganz süässi Wäupä, ä schönä Tämpu u vordran ä grossä ligendä Buddha (>30 Meter) z’oberscht ufmä chlinä Hügäli attroffä.
Prasat Muang Tam:
Witer isches zurä Tämpu-Ruinä..
Phanomrung Historical Park:
… und zunärä 2. 🙂 Disä hiä hetnis fasch ä chli a Angkor Wat (in Kambodscha/Siem Reap) erinneret.
Ayutthaya
Nach Ayutthaya simer wyter nach Bangkok und hei üses Mami am Dsischti Morgä (9. Ouguscht) in Empfang gnu.