Nach Kota Kinabalu und em Mount Kinabalu simer mit Muskukater i Bus igstigä u öppä 8h Stung uf Brunei gfahrä. U somit het ä richtägi Stämpu-Party oder villech besser -Massacker i üsnä Päss agfangä. Insgesamt heimer 1 Gränzä innerhaub vo Malaysia, 3 Landesgränzänä, totau 7x Zöu u insgesamt 8 Stämplä becho. Da Brunei zimlech chli isch umer numä churz dert si blibä, heimer numä wenig Biudli gmacht.
Moscheänä
In Brunei si di unzähligä Moscheänä chum z’überseh und z’körä. Einägi si extrem prachtvou u gross u äs het aber ou vili wo sehr eifach u simpu ghaute si.
Sultan Omar Ali Saifuddin Mosque – isch z’mitts im Zäntrum vo Bandar Seri Begawan (BSB) z’fingä, het ä schöni Lagunä mitmä Boot drumum u isch nachem vorgänger Sultan benannt.
Jame’Asr Hassanil Bolkiah Mosque – diä Mosche isch di gröschti in Brunei u isch zum 25. Jubiläum vom itzigä Sultan bout wordä.
Miter Routräppä diräkt id Mosche!
Duli Pengiran Muda Mahkota Pengiran Muda Haji Al-Muhtadee Billah Mosque
Kampung Ayer
Näbsdä ganzä luxuriösä u prachtsvouä Boutä wo Brunei’s Richtum dankem Erdöu üs zeigt hei, simer nu vom gröschtä Wasserdorf ufder Wäut überrascht wordä, wo üs glichzitig grad widr chli ad Philippinä het erinneret.
Dert dinn git’s aber zum Teil o ganz schicki Wohnhüser…
… oder o Schuelänä, ä Polizeistaton u wiä hiä ä Moschä u d’Fürwehrstation.
The Empire Hotel & Country Club
U zum Schluss numau chli Luxus 🙂 Damer leider nid am Sultan si Palast (mit über 1700 Zimmer u meh aus 250 Badzimmer) hei chönnä ga aluegä heimernis mitem Empire Hotel & Country Club abgfungä.
Meine lieben Jungs, das ist einfach ein Geschenk, was ihr in eurem jungen Alter schon alles erleben dürft. ich bin mächtig stolz auf euch, lerne euch neu kennen, wusste gar nicht um eure vielseitigen Interessen. Toll, dass wir auch teilnehmen dürfen. Freue mich auf Weiteres und umarme euch ganz fest.
Elsbeth
Das isch würklech äs Gschänk u mir gniesses jedä Tag wieder vo nöiem. Äs macht nach wie vor extrem Spass so viu verschidnägi Länder, Kulturä u Mönschä dörfä z’erläbä u kennä zlernä. Bestimmt wärdä scho gli die nächschtä Fötäli fougä.
Ganz liebi Grüäss und Umarmig,
Jonas & Simon
aso woni so uf dr loränäbrügg bi gstandä.mitämä risigä riischübu ,ned ämä riichübü,nei mitämä riischübu,wo kä riis me isch drinn gsi,aber äs seili drann agmacht,dä chübu hani obä it aarä gschmissä u mit wasser la füllä,när ufäzogä ufd brügg und überd brügg treit zum swasser weder änäacäzschiässä,bini erchlüpft u erwachet.dä gseni i mim zimmer d chuä hangä,si hät mi agrinset.hihii
trochsler Fridu
was isch das für nes huere glier, itz han i gmeint du wohnisch endlech in ere Wohnig mit fliessendem Wasser und emene Kühelschrank – hätsch das Wasser ou gschieder in Tiefchüehler gschmisse, de hätsch itz aareicecubes wo dere chue chöntisch aschmeisse. muh Stef