Nachdäm mer in El Nido uf Palawan üses Outo hei chönnä zrügg gä umer glücklecherwis doch nu hei ä Fähri gfungä wod Strecki El Nido <-> Coron het abote, simer nachemnä haubä Tag in Coron uf Busuanga acho. D’Überfahrt ufemnä eher chlinä Boot isch ä zimlech gwaglägi Aglägäheit gsi, wo aber het Spass gmacht.
Nach Coron zieht’s eim vorauem wägäm Wrack-Touchä/-Schnorchlä (Wracks usem 2. Wäutchrieg) u wägä dä Wiudtier us Afrika wo dert druff läbä. Beides einmalägi Bsunderheitä ufdä & idä Philippinä u üsserscht lohnenswärt!
Ds Städtli Coron vo quasi ihrem Güschä us wo mit knapp 1000 Stägätrittä ds erreichä isch.
Ä wunderschöni Bucht mit Zuegang zumnä Süässwasser-See.
Das isch d’Bootsfahrt ufem wouh chlinschtä Boot idä Philippinä gsi – aber immerhin hetmä grad so ds 4. knapp druf Platz ka o wenn ds chlinä Motörli gägä Schluss vor Strecki überhitzt isch u dr Geist churz het ufgä. 🙂
Afrikanischi Giraffä wo dennzumau vodä Spanier wahrschinlech sigä härä bracht wordä.
Ude het üsä Guide üs plötzlech ganz viu Grüänzügs bracht ka u mir hei hingermnä Gitter usä mit üsserscht köstlechä Bletter chönnä d’Giraffä füätterä, was rächt amüsant isch gsi!
Zebras si denn ou vo Afrika härä bracht wordä u heisech, wie ou d’Giraffä, bis hüt flissig vermehrt.
Wasmer vergäbä di ganz Zyt ufder Inslä Palawan gsuecht hei, heimer de hiä doch nu ändlech gfungä: Palawan bearded pig oder Palawan Bartschwein
Isch ä eigeti Art wos numä dert uf Palawan und ufdä Inslä drumum git. Die Cheibä hei ä Bart. (Nid so wie die meischtä Philippinos)
