Vom Canon del Colca heimer nach paar Täg dr fasch 5’000er-Pass erneut i Agriff gnu, wöumä für nach Cusco zersch widr Richtig Arequipa äs Stückli retour muess u äbä genau widr über dä Pass drüber. Zum Glück isches denn nach paar Täg obä im Canon besser gangä miter Höhächrankheit u Sorojchi Piuänä hei ou chli ghueufä. Vo Cusco us simer witer nach Ollantaytambo u dert mitem Zug nach Aguas Calientes, vo wo mä startet zum Machu Picchu – zum definitivä Peru Highlight – u när widr mitem Zug retour nach Ollantaytambo, nach paar Täg via Cusco witer nach Puno am Titicaca-See ar Gränzä zu Boliviä.
Vom Canon del Colca nach Cusco
Ei ganzä Tag heimernis für das Fährtli fix vorgnu u de würklech ou brucht ka. Uf hauber Strecki het’s de mau nu ä Pousä gä:
Öppä diä Pousä wod Asiatä (im Schnitt Pousä im Abstang vo au 1-2h), machä Peruaner/Südamerikaner umso weniger u ir Regu wird gar niä aghautä u pöiselet. Usser äbä me het äs Redli zum wächslä 🙂
Wiä idä Aupä.
Cusco (3’399 M.ü.M.)
Ollantaytambo (2’792 M.ü.M.)
Vo hiä us simer mitem Zug witer nach Aguas Calientes
Machu Picchu
(Aguas Calientes 2’040 M.ü.M., Machu Picchu 2’430 M.ü.M., Machu Picchu Mountain 3’082 M.ü.M.)
Am nächschtä Morgä isch früäh öppä am 4i Tagwacht gsi u mir si losglofä zum öppä 400 Meter höcher glägänä Parkigang vom Machu Picchu. Dert sid Türänä am 6i uf gangä u di erschtä wenigä Minutä heimer ä herrlechä Usblick für üs nu fasch älei ka.
Oft het’s schnäu umgschlagä u isch geng widr aues zämä ideckt gsi vorä dickä Näbuschicht.
Viu Lamas (oder Alpacas?) hei sech dr Machu Picchu o agluegt.
Vom Park us simer am morgä am 9i de ungfähr losglofä ufä knapp 700 Meter höcher glägnig Gipfu vom Machu Picchu Mountain. Dr Usblick isch fänomenau gsi.
Pumamarca (Ollantaytambo)
Zrügg vom Machu Picchu u Aguas Calientes simer nu mau zwöi Nächt in Ollantaytambo blibä u hei ä Wanderig zämä miter Christina vor USA zudä Pumamarca-Ruinä ungernu.
Moray (3’385 M.ü.M.)
Mit ihrä simer am nächschtä Tag zämä d’Moray Ruinä ud Salineras ga aluegä bevor mir zwöi am Namittag witer nach Cusco zrügg si.
Salineras
Puno
In Cusco gägä Abä acho heimer paar Stung speter nu nä Nachtbus für nach Puno am Titicaca-See verwütscht u si dert zum Sunnäufgang acho.
Nach öppä 2 Stung am morgä früäh in Puno heimer beschlossä, dasmer grad witer nach Copa(cabana) as angerä Ändi vom See ufder bolivianischä Sitä wei, Nu im Bus churz vorder Gränzä heimer scho äs Nöis Ziu ka: ab anä Strand am Meer (u das logischerwis ar viu witer entfärntä Oschtküschtä vo Südamerika, wöumer ja aus letsts z’Rio in Brasiliä söttä si)
Grund derfür isch vorauem ds chautä u rägnärischä Wätter di letstä 2 Wuchä gsi u d’Lust ufs Meer 🙂
U so heisech de paar intressanti witeri Täg ergä.