Havana (Kuba)

Nacherä Wuchä dür Mexiko cruisä heimer beschlossä nu ä Abstächer uf Kuba i’zlegä u am Dsischti simer arrivederci gsi in Mexiko u ab ufem Wäg nach Kuba. Leider het’s numä nu für 4 Täg Havana glängt, wöu de oscho gli z’änd vo dänä 2 Wuchä isch cho, das het üs de aber ou ganz guet glängt ka fürnä Städteusflug.

Welcome Havana

Deifinitiv z’Bestä Casa Particular mitemnä klarä Abstang zur Konkuränz heimer verwütscht – merci Linda numau fürä Tipp 😉 Wemäsech eim Ort deheim füeuht obwouhmä gar nid deheim isch de ganz klar i Elizabeth’s Casa Particular. äs taduloses Zimmer mit Wohnzimmer u Chuchi u ä Mamma wonis während dänä 4 Täg bi auem het witer ghueufä u äs grandioses Zmorgä jedä morgä het gmacht – genau das womä brucht wemä in Havana isch. 🙂 Viu me wotti da gar nid verzeuä, we öpper uf Kuba geit gibihm gärn äs Visitächärtli miter Adrässä undem Kontakt mit.