Mitem Zug undem Töffli im Gepäck in Hue acho, hanimi aus erschts mau z’Fuess uuf zur nächschtä Tanksteu gmacht,wo zum Glück grad gäbig umä eggä gsi isch. Bim Abfahrtsbahnhof wird dr ganz Benzin-Tank abglah u wemä achunt nid widr ufgfüeut, dass hätti somit de o gwüsst (fürnes nächschts mau). 🙂 Nach paar Täg Hue isches witer aues Richtig Südä mit verschidenschtä Zwüschästopps ufem Wäg, wos grad gäbig isch gangä oder schön het usgseh. Viu örtli hani scho bitzli im Chopf gha ka vom körä sägä u usem Reisefüährer. Ufder Strecki heimi aber geng widr örtli u Attraktionä überrascht, woni nüt dervo im Vorfäud gwüsst ka ha. U aus i auem muessi sägä, dass genau diä Sachä viu schöner u intressanter si gsi aus di klassischä Turischtä-Stops ufder vietnamesischä Nord-Süd/Süd-Nord-Strecki wie Da Nang, Hoi An, Nha Trang, Mui Ne. Z.T. hani diä «Klassiker» richtig zum chotzä gfungä, wöus eifach mit Hoteus zuepflaschteret, Touris überloffä isch, mä aues bechunnt womä wott, usechs chum vomnä Bali oder Mallorca ungerscheidet- guet hani äs Töffli ka u jewius nachemnä Tag chönnä d’Flucht ergrifä. 🙂 Schön (zum Fahrä) isch dä Teil zwüschä Hue u Mui Ne uf jedäfau gsi!
Hue
Königspalast
Khai Dinh Tomb
Mindeschtens so prachtvou wetti auso de wenimi verabschidä ou mini Rueh findä 😉 Isch geil, oder?
Chua Dieu De
Chua Tu Dam
Cau Ngoi Thanh Toan
Nach de Hue-Klassiker hanimi ufä Wäg zum Strand u natürlech witer Südä gmacht.
äs Grab ir nöchi vom Strand mit Meerblick wär natürlech o nid so schlächt.
Hai Van Quan Pass
Das, genauso wie dr Nordä obä bi Ha Giang, isch für vietnamesä äs wahrs Highlight, au Vietnamesä schwärmä so richtig dervo. Het öppis dran u d’Strecki zum fahrä isch dr Wahnsinn!
Da Nang / Chua Non Nuoc
Hoi An
Binh Dinh & Phu Yen Provinz
Thap Duong Long
Nha Tho Mang Lang
Ghenh Da Dia
Mui Yen
Tuy Hoa
Witer vo Tuy Hoa ufem Wäg hani ganz viu Stops gmacht, wöu geng widr richtägi Rägäns-stürm si cho. U so bini de zum zMittag imnä chlinäHouz-hüttli glandet. U wasimer bis hüt nu sicher bi, dass z’ässä in Vietnam grandios u eifach numä fantastisch isch. Wasimer aber totsicher bi, isch dass di besti «Pho Bo», woni je maus ha ka, us disärä Chuchi stammt. 🙂
ganz ganz viu Schiffli, sowit mä gseht..
Dai Lanh
U ufem Wäg witer südlech vo Dai Lanh, hani einä vodä schönschtä Strändvo mir usgeh in Vietnam gfungä.
E chlini Schlegerei ufder Strass…
Nha Trang
Oberhaub vo Nha Trang hets ou ganz viu Schiffli ka u in Nha Trang hanimer mis erschtä Schlamm-wellness-bad gönnt – äs lustigs Erläbnis!
