Vo Gyeongju bini widr mitem KTX-Schnäuzug witer bis nach Seoul. Dert bini de ou ä ganzi Wuchä blibä, wöui paar Sache ha wöuä erledigä u unger angerem fürnes China Visum ufd Botschaft ha wöuä. Ganz überrascht hetmi Seoul ou süsch wases aues kulturell z’bietä het u nid numä eifach ä risä Stadt isch. Trotzdäm muessi aber sägä heimer di angerä Ortä in Südkorea (Busan, Jeju & Gyeongju) insgesamt scho besser gfauä.. 🙂
Jongmyo Shrine
Mi Plan mitem Visum hetsech de scho mau verschobä am 1. Tag, wöu in Südkorea genau denn Chuseok isch gsi u därum d’Botschaft ersch am Mänti nachem Wuchänänd widr het ufgmacht.
U de bini aus erschts zudä Tämplä ir nöchi vom Zäntrum
Changdeokgung Palace
Das dahiä si grad mehräri gsi ufemnä riesigä Areau zmitts in Seoul
Mt. Bukkan
Am Friti hani mit zwöi Kollegä, ämenä Dütschä und ämenä Koreaner mi 21.-igscht verbracht. U de simer aus erschts ufä Mt. Bukkan ufä gwanderet. Dä isch ungfähr 1 Stung miter U-Bahn entfärnt u vo z’oberscht hätmä ä super Usblick über ganz Seoul, we haut nid so viu Smog dert wär.
Nach getaner Arbeit het’s am Namittag klassischs Koreanischs BBQ mit Kimchee, Piuzä u auem drum u dra gä. mmmhhhmmmmm 🙂
U am Abä simer de ou nu bitzeli id Möscht u ga fiirä, wiesechs kört.
Sungnyemun Gate
Hwaseong Fortress
Das dahiä weissi geng nuni gnau wases isch, äs het aber irgendwiä ganz spektakulär usgseh mitem Näbu..
U zum Schluss nu äs chlises Biud usder U-Bahn irgendwo in Korea. Eigentlech nid sones spezieus Biud hützutags ufder Wäut – egau womä isch. D’Koreaner toppä das ganzä aber numau imnä zimlech angerä Usmas u bringes Zstang das zytwis usnahmslos würklech jedä uf sim Grätli umädrückt:
Ja ou im Bus (mit villech 30 Personä oder so) irgendwo ufem Land us hetmä fei ä gueti Uswauh a W-Lans (wo d’Listä auso nu lenger zum scrolä wär u nid aues uf mim Biudschirm Platz het ka)
U bim ärdbäbä in Gyeongju heisis ou gschaft d’Kakao-Talk Server (Koreanischs Whatsapp quasi) z’überlastä und zum absturz z’bringä. Ja es isch ou normau das jedä Koreaner si persönlich portable Router ir Täschä derbi het, damiter au sini Grätli cha verbindä u geng online si.
Für mi sehr idrücklech u eifach numä Krass wie das in Korea isch!!
Was ou uf mim Korea Plan gstangä isch für Seoul uni dank der Hiuf vo zwöi Koreaner us Seoul (woni uf Jeju kennäglernt ha) de ändlech ha gmacht:
Ds Wartä het nach über 2 Jahr äs ändi gnu u i bi ungloublech zfride u glücklech dermit 🙂