Japan 2. Teil – Wäutreis.ch – Jonas & Simon Inderkummen 2016

Vo Tokyo us hanimi entschidä aus erschts ämau ga dr Mount Fuji azluegä. Miter U-Bahn undem Bus ischmä i 2-3 Stundä vo Tokyo us in Fujikawaguchiko, woni paar Nächt bi blibä u ufnä schönä Tag ha gwartet, um ufä zum Gipfu z’ga. Nachem Mt. Fuji bini quer dürs Zügs nach Kyoto, woni ou widr mehräri Nächt blibä bi u ganz viu schöni Sachä ha chönn aluegä. Nach Kyoto isches de oscho langsam widr retour richtig Tokyo mit paar Strandabstächerä ir Nöchi vo Hamamatsu und ou in Hamamatsu säuber.

Fujikawaguchiko & Mt. Fuji (3’776 M.ü.M.)

Fujikawaguchiko hetmi aus erschts sehr fescht ad Schwiz u vorauem a Interlakä erinneret. Miter ganzä Bärg- und Seelandschaft (womä wägem wätter leider nid ganz so guet gseht), chönnt’s doch grad irgendwo ir Schwiz si? 🙂

Am 3. Tag wenimi rcht erinnerä bini am Morgä früäh loszogä u ds Wätter het zum Glück ganz schön usgseh

öppä 10 Minutä speter vom Bahnhof us, isch dr Bärg fasch bis Obä mit Wueuchä ideckt gsi. Das isch wahnsinnig gsi wiä schnäu sech dert ds Wtter u z’Biud vom Mt. Fuji innert wenigä Minutä het chönnä veränderä.

so ungfähr het dr Wäg für ufä usgseh.

woni de obä bi acho, bini zersch mau zimlech ignäblet gsi u so wit dobä isches im T-Shirt udä churzä Hosä doch nu chaut gsi..

ds Kraterloch vom Gipfu:

U sogar nu bitzli Schnee hani ganz obä irgendwo im Schattä nu gfungä 🙂

U plötzlech het’s de doch nu ufgmacht u i hanä wunderbarä Blick ufs Wueukä-Meer ka.

On the Road

Witer isches vo Fujikawaguchiko mitmä Outo richtig Kyoto. Ungerwägs hani immer widr mau schöni Plätzli gfungä.

Kyoto

In Kyoto ischde widr me ä Tourischtä-Hotspot gsi u z.T. zimlech überfüeut. Aber trotzdäm wunderschön.

Fushimi Inari Taisha

Traditioneui Japanischi Chleider:

Tō ji

Sanjūsangen dō

I däm Hus hiä si 1’001 Buddha-Statue gsi. Sehr idrücklech, aber leider chani keni Biuder ufäladä, wöumä din nid het dörfä Fötälä. Am beschtä eifach hurti hiä uf Google dri luegä.