Zäg u scho dr letst Stop: Brasiliä 🙂 Vo Iguazu mitem Bus nach Sao Pualo u dört eigentlech ufd Ihla Grande isch dr Plan gsi. Leider het dr Busfahrplan in Sao Paulo u aber ou dr Wätterbricht voder Ihla Grande nid so ganz mitgspiut. U de simer ufne Bus diräkt nach Rio de Janeiro. Nach paar Täg Rio heimer drfür ä Abstächer nach Buzios gmacht wos auso ou sehr viu schöni Stränd u viu BrasilianerInnä idä Feriä het ka.
Rio de Janeiro
Ds Rio heimernis obä ufem Hügu in Santa Teresa nidergla, ganz äs härzigs Viertu wo aber ou sehr gfährlech cha si i gwüssä Eggänä…
Nid auzu wit entfärnt u gäbig zFuess erreichbar isch das Hus hiä «Parque das Ruinas»:
mitemnä wahnsinns Rund-um-Usblick
-zum Zuckerhuet
-zum Cristo
-abä is Zentrum
u mitem Bähnli simer de när witer is Zäntrum abä
quer über dises Viadukt
u natürlech zur Stägä – däm Rio Klassiker, wo ar Linda scho fasch ä chli zudä Ohrä usä hanget (würsmer ou nach paar mau aluegä), aber am Turischt Simon het’s gfauä u äs isch o grad gäbig umä Eggä glägä. 🙂
Armação dos Búzios
U hiä paar Fotis vo Buzios – üsem Usflügli vo Rio us ansteu vor Ilha Grande.
Pão de Açúcar, Zuckerhuet
Di letstä 2 Täg si numau Rio de Janeiro agseit gsi mitemnä Abstächer inä Churrascaria fürnä mächtägi überdosis Fleisch, zum Zuckerhuet, ad Copacabana, Ipanema Strand u zum Parque Lage. Hammerschön! 🙂
Parque Lage
Ipanema Beach
Liegend imnä Bett, ämnä Festmauh vomnä Znacht isches satt u zfridä nachemnä Baleys-Verdouerli schlafend nach Züri zrügg id Heimat – wunderbar! genau so sötts äbä si. 😉 Isch ja ou Zyt wordä langsam 🙂 nach fasch ämnä Jahr/11 Monet reisä.
Linda I möcht dir hie ou numau merci für di supertollä Feriä zämä im Januar quer dür Südamerika sägä u natürlech ou für dä super Heitransport 😉 😀 äs het gfägt!