Belize hetmi aus erschts chli drus bracht u i has aus sehr komischs Land empfungä. Nid numä das nid-Spanisch-&-nid-änglisch-aber-doch-beides-Sprachädüränang, sondern eifach ou süsch dä kulturell Mix mit aunä möglächä Huutfarbä u Abstammigä, Spanisch, Amerikanisch, änglisch, Afrikanisch, Maya, Latino, …. rasistisch bini nid! I hät eifach niä dermit grächnet, wöui schlichtwäg nid viu über Belize gwüsst ka ha u dasses sonä krassä Ungerschied zu Mexiko (diräkt nachder Gränzä) isch. U plötzlech hesch Dollars miter Queen druf, d’Chinesä schmeissä entlang am Highway dr ganz Handu u ufdr Feriä-Inslä San Pedro wimmlets numä so vo Usländer wodert ä nöii Zuekunft gfungä hei u irgendöppis (Bar, Restaurant, Hotel, Touch-Schuppä, etc.) im Tourismus uf Bei gsteut hei. Das hetmi de o rächt schnäu ire knappä Wuchä dür Belize bracht u zuedäm isches o es wahnsinnig chlises Land. Gägä Schluss hanis aber irgendwiä rächt gärn ka das Land (villech o wägder Schoggi churz vorder Gränzä) us Schad gfungä scho wieder z’verlah…
Corozal
San Pedro
San Ignacio / Schoggi Fabrik
Das dahiä isch Schoggi-Härsteuig nach traditioneuer Art vodä Mayas. Taffelä Schoggi (wiemes ir Schwiz kennt) si vodä Mayas nid härgsteut wordä. Derfür heisi Schoggi zumnä Schoggidrink ufbereitet u mit Gwürz nu chli pimpt. Das mitä Gwürz sig schinbar ou numä durch Zuefau passiert, wöu uf däm Mauh-Steitisch bevor d’Kakaobohnä gmahlä wordä si, ussversehä überräschtä vo vorhär druf gmauhtem Gwürz, si gsi. U so hetmä Schritt für Schritt verschidnägi Gwürz wie z.B. Zimt, Chili aber ou Hunig dri ta. Zuesatzstoffä chömä nid dri, 100% Kakaobohnä ufglöst mit heissem Wasser (ke Miuch u Zucker…) udä Gwürz. Mhhmmmm Yummie!
ja da isches de umä scho widr läär gsi 🙁
Xunantunich Tämpu
brüchts 2 Fährinä u de hätmä ä Brügg, aber das wär ja ou nid luschtig 🙂
