Kanada

Tạm biệt, Sayonara, Adieu, Bye-bye Asiä… und ab id Cheuti und Zivilisation! Zmingscht für paar Täg. Mini Akunft in Vancouver isch zämägfasst sehr komisch gsi. Greist bini knapp 20 Stung, acho aber am glichligä Sunti Morgä wiäni in HCMC abgreist bi – 15 Stung retour bzw. 9 Stung fürä & Minus ei Tag – ja das hetmi fei chli düränang bracht u Jetlag het la grüessä di nechschtä Täg. Pfüsälä isch am 6i agseit gsi u am morgä am 3 het’s Spiegu-Ei u äs warms Tee gä. Derzue isches äbä wiä scho gseit e chlinä Tämperaturabfau gsi vo umdi 32 Grad abä ufdi ca. 6 Grad. Kulturell hmh ganz ä angeri Wäut! D’Lüt si au à la Chopf abä u dürä, büglä, büglä, büglä, sehr wenig wird ir Offentlechkeit mitnang gredet u ufder Strass füeuhtsechs wie usgstorbä ah. D’Outos hautä bim Fuessgänger plötzlech widr ah, äs git Amplänä u keni Töffli womä muess luegä dasi eim nid überfahrä. Churz: I hami gfüeuht wiä irä angerä Wäut. Aber doch hanimi nach paar Täg schnäu dra gwöhnt, wöus ja doch eigentlech wiä ir Schwiz isch! Haut eifach äs kulturell angers Läbä aus in Asiä. Ir Stadt säuber hani viu chönnä machä u aus z’Fuess erreicht. Was ä wahnsinns Pluspunkt isch u in Asiä idä Stedt überhoupt nid säubstverständlech isch. Vancouver isch ganz ä gmüätlechi Stadt u het schöni Eggänä, definitiv intressant hiä z’si. Doch hanis nach paar Täg ufgrund vor Cheuti u mim erwartendä Bsuech in Mexiko scho widr verlah. 🙂