Nachde Stedt isches de würklech langsam Zyt gsi chli usä is Grüänä z’ga u aus erschts bini nach Zhangjiajie. Mi ganz Reiseplan für China het grundsätzlech nur uf Ratschleg vo angerne Reisende u Chinesä basiert. Dänkt hani am 28. Oktober (Ireisedatum vo mim Vietnam-Visum) in Vietnam i’zreise u hamer gar nid auzu viu wöue vornä. Uf jedä Fau hätti wahrschinlech äs ganzes Jahr chönnä in China verbringä – das Land isch so riesig u Vieufäutig u sehr viu Ortä quer bis i Weschtä übärä in China simer empfohlä wordä. I hami de würklech numä uf mini top-Favoritä wo irgendwiä ufem Wäg ligä reduziert. Innerhaub vo China bini fasch aus mit Züg gfahrä, gröschtäteils eher langsam mit Fahrtzyte zwüsche 14 bis 26 Stung, derfür meischtens aber ou aus Nachtzug mit paar Schlafwägä u definitiv äs Erläbnis mite Chinesä u kem einzigem Turischt im Zug. Witer vo Zhangjiajie isches nach Chengdu zudä Pandas u id Nationau Pärk Jiuzhaigou u Huanglong mit tibetischer Kultur/Iwohner & winterlechem Klima.
Zhangjiajie / «Avatar»-Fium
Zhangjiajie hetsmer vorauem wägder riesige Glassbrügg, speter aber de ou wägem Nationau-Park miter Landschaft wo Teile vom Fium Avatar dräiht wordä si, atah.
Glassbrügg
d’Glassbrügg isch insgesamt 2-3 Stung vo Zhangjiajie entfärnt, aber guet mit Busse erreichbar. Spiegureflexkameras si strikt verbotä ufder Brügg u d’Kontrouänä si ungfähr wie amnä Flughafä bim Igang – derfür stichlä au chinesä ufder Brügg mit ihrnä Selfie-Stöck u Smartphones ufder Suechi nachem perfektä Säubstdarsteuigsbiud dürd Gägend. Idrücklech ischsi uf jedä Fau, mir ischsi in ächt aber chliner vor cho aus si ufdä Fötäli würkt.
Zuesätzlech hets ufder ganze Brügg di gäub Lüchtendä Mitarbeiter wo eim sägä mä söu rächts u links ufem schmale streifä loufä (wo nid transparänz glass isch), wöus ihr miti ufem transparäntä Glass z’gfährlech isch.. Naja was isch dr Sinn vorä Glassbrügg (in China)?
Chengdu / Research Base of Giant Panda Breeding
Wemä am morgä früäh härä geit, chamä Pandas bim ässä zueluege. Speter wird gschlafä u passierä duet me oder weniger nütme bide pandas 🙂 Agfange heisi mit 6 Pandas in 1978 oder 1987 (bimer nüm sicher) u hei hüt meh aus 150 Pandas dert. Wiudi Pandas git’s ungfähr nu 2’000.
Nachwuchs:
Roti Pandas:
Jiuzhaigou
Jiuzhaigou isch ä Tag Busfahrt vo Chengdu entfärnt u arschchaut. Aber definitiv lohnenswärt i därä Jahreszyt z’gseh u i ha je ä Tag im Jiuzhaigou u im Huanglong Nationau Park verbracht. Jiuzhaigou hetmer ä Chines erklärt heisst übersetzt «Tau vodä 9 tibetischä Dörfer». Geographisch gseh isches zwar nuni Tibet u kört geng nu zur Provinz Sichuan, d’Kultur vodä Lokale Lüt isch aber tibetisch. Dr Grund sig schins, dassi bis vor nunid auzu langer Zyt abgschnitte vor Ussäwäut sigä gsi, u Jiuzhaigou när per Zuefau vo japanische Abentürturischtä entdeckt wordä isch.
Am Nami het’s de fei chli mögä schneiä.
Derfür isch de gägä Abä nu d’Sunnä fürä cho
Huanglong
Huanglong isch knapp 3 Stung vo Jiuzhaigou entfärnt u höcher öbä. I bi gottäfroh gsi, dass a däm Tag d’Sunnä u blauä Himmu isch fürä cho 🙂
3 tibetischi Mönchä hani im Park troffä, wo ou ufmä Usflügli dahärä si gsi.
Hallo Simon, Du bist für mich Geschichts- und Geografielehrer zu gleich. Super schöne Bilder hast Du gemacht. Ich muss auch wieder nach China. Wünsche Dir noch viele Abenteuer. LG Daniela
Tschou Daniela
Danke fürs Komplimänt ad Biuder. 🙂 Was d’Natur in China aues z’bietä het, het mi definitiv positiv überrascht. Da muesch unbedingt widr härä – am bestä mit ganz viu Zyt, das Land isch so ungloublech riiiesig und viufäutig.
Merci – im Momänt bini uf mim nächschtä mitem Töffli vom Nordä in Vietnam bis i Südä – definitiv äs Abentur! 🙂
I hoffä dir geit’s ou guet & ganz liebi Grüess id Schwiz,
Simon
wie wo warum mönche schöne landschaft und keine sorgen doch touristen die ganze brücke voll,ist die denn nachts nicht zugänglich, ich vermisse das auffangnetz wie in bern. und ja, habe euer flüchtlingsbeweisfoto mir abgespeichert. genial,ich wusste die chinesen haben in ihren flüssen flüchtlinge gehabt.
dazu kommt was ich vermisse, die dreckigen junkis und penner die fastfoodketten und stinkenden ubahnen die wohnungslosen und bettler die graffittis und artists.die punkrocker und drögeler, sind die so gut verstekt, dass in dem avatarwald keine oase für die touris hingezaubert wurde=?
tschou fridu
schön het’s di widr mau zu üs uf üsi Sitä verschlagä! 🙂
d’Brügg diä isch vouer chinesischer Turischtä plus eim Schwizer, zmingscht wo ig dert bi gsi – riesegi Mönschämassänä u nid öppä ällei irgendwo in China öppis ga a’zluege muessmä sech dermit abfingä. öppä ou verständlech u nachvouziehbar birä Bevöukärig vo knapp 1.5 Milliardä, ja lut Internet 1’384’723’717 Mönschä!! äs chinesischs chlises Städtli het locker mau dopplet so viu Lüt wiä di ganz Schwiz :O da dergägä cha Bärn ipackä, derfür isch Bärn umso schöner!
früächer oder speter wird öppä ou dert ä sones Uffangnetz installiert, wiä z’Bärn…
Viu Abgasä, dräckegi Luft, stinkendi U-Bahnä, Obdachlosi u Bättler etc. fingsch aues idä chinesischä Städt – vorauem dr Smog, aber ou Kunscht u wahrschinlech ou Drögeler fingsch dert. Dasdahiä isch haut äbä dr Teil vo China NATUR PUR.
Lg us Đại Lãnh, Simu
hani grad gläsä gschichts u geografiefehler hihii diä beidä si eifach dr börner lg #antifrost
Ja,diese Bilder sind phantastisch, sind einfach Hammer! und die süssen Pandas…
Alles liebe aus der Schweiz
Stef
Merci! D’Pandas si dr Hammer gsi 🙂
Liebi Grüess usder (ungfährä) Mitti vo Vietnam
Simon
du bisch ou ä süässä panda, diä hani z budapest ou gföttelet hihii di glichä lol
Das heisst, du bisch itz öpe so um tp. Vinh umenang?
giälä dir wärdet richer u gsünder so freut mi das wo dir zämä erläbet, respekt das macht sinn. u gäng chli rabe losä gälet http://www.rabe.ch hihii lg us börn
http://www.antifrost.ch
ah übrigens,i gadä überallhärä go usstellä, numä das das mal gschribä isch #antifrostausstellung im niemendsland im keller oder in irgendner fabrik brachland etc. oder wo ich erwünscht bin auf spesenbasis versteht sich. das heisst, flug und essen bezahlen, dann reise ich ans ziel und abreite dort für die kunst um auszustellen was ich an ort kreiere, danach geh ich ins puff hehee.
wie immer allein nach hause ohne geld aber mit viel aktion
top! #AntiFrostEinischUmdWäutUssteuig 2017? 😀