Zu Macau git’s nid wahnsinnig viu z’verzeuä.. Das isch ä soo chli u Zyt hani ou numä 1 Tag dert verbracht. Vo Hong Kong us chamä optimau ä Tagesusflug miter Fähri machä u d’Fahrt duret je ä Stung. I eim Tag hetmä in Macau ouscho aues gseh u mir hets zimlech guet gfauä. Im Verglich zu Hong Kong hani plötzlech z’Gfüeuh ka irgendwo in Europa im Mitteumeerruum z’stah u nid öppä in Asiä bidä Chinesä 🙂 Ganz farbäfroh, schöni Architektur u irgendwiä ou gmüätlecher u nid so ghetzt u gschäftig wiä in Hong Kong. Dr Senado Square u d’Ruiinä vor St. Paul Chiläu – genereu aues portugiesischä, wo us der Koloniauzyt isch übrig blibä – hetmer wahnsinnig guet gfauä u äs het sech fasch ä chli wienä Tagesusflug nach Europa agfüeuht. Zum Schluss hani natürlech nu äs Casino bsuecht (The Venetian Macao), wöu Macau ja ou sehr bekannt für aui Casino isch – fasch ä chli wienes chlises Las Vegas.
Hut ab vor deinen Fotos. Hast du hier dein Fischauge im Einsatz gehabt und mit HDR verarbeitet? Oder war das drinnen wie in Vegas?
Merci !! Das isch ’numä› mitem Fischoug u unbearbeitet. Das müesst dinne glich gsi si wie das in Las Vegas, dr Jonas u i si ja denn in Vegas nid mitcho i Venedig-Teil. Uf jede Fau isches aues drinin gsi u dr «Himmu» isch numä d’Tili vom Gebäude.
Ja, de muess ig sägä, es isch genau so wie in Vegas, trotzdäm ä schöni Foti!