Nach Kaoshiung isches mitem Bus witer bis zungerscht i südlechscht Zipfu vo Taiwan, i Kenting Nationau Park. Dä hani mitmä Velo erkundet u bi tatsächlech ou bis zum südlechschtä Punkt vo Taiwan gfahre. Vo Kenting bini witer d’Oschtküschtä ufä u aus erschts nach DuLan ir nöchi vo Taitung. Nach nidmau erä Stung bini oscho mit paar Taiwanesä im Meer gstangä u ä rundi ga surfä – im Verglich zur Weschtküschtä si d’Lüt wie Tag u Nacht u ar Oschtküschtä extrem fründlech u offä. Nach DuLan bini witer ufä nach Hualien u i Taroko Nationau Park. U aus letschts bevori widr in Taipei bi gsi hani nu ä Haut in Yilan gmacht.
Kenting National Park
Vo däm Park schwärmä au geng so u fingä äs sigi z’schönschtä vo Taiwan. Miner Meinig nach ischer nid wahnsinnig u würd ou kes 2. mau ga. Vorauem wöuer nid ganz eifach z’erreichä isch u haut äbä ganz zungerscht vor Inslä…
Das dahiä isch dr scho erwähnt südlechscht Punkt vo Taiwan.
Du Lan
Vo hie ah het z’Wätter afa besser wärdä u Taiwan het plötzlech ganz angers usgseh 🙂
Sanxiantai Bridge
Hualien / Taroko National Park & Sanzhan
So sötti z’Wasser dert gloub fasch überau im Park usgseh..
.. leider isch das im Park di einzegi Steu gsi wohni ha gfungä. Süsch ischs Wasser überau brun gsi u leider si ou au Wanderwägä ud Strass witer obä im Park nu gschlossä, wöus vom Typhoon d’Wuchä vorher aues zimlech verwüeschtet het schinbar.
Ufem Rückwäg nach Hualien hani äs chlises angeres Tau gfungä. Dert ischs Wasser wunderschön u klar gsi. I gloub äs heisst Sanzhan.
Yilan & Guishan Island
Ja Yilan.. Dert hanimi vorä Wauh- u Deuphinbeobachtigs-Fahrt mitem Schiff begeisterä la – leider hani ussert dr Inslä womer drumum si gfahrä nüt im Wasser gseh.
