Vo Busan bini miter Fähri witer ufd Inslä Jeju. Da druf hanimi riesig gfröit wöus dr Grund isch gsi wärum i überhoupt nach Südkorea witergreist bi. D’Fahrt miter Fähri het 12 Stung (überd Nacht) duret u äs het gfägt mau widr uferä Fähri z’si. 🙂 Uf Jeju hani zersch dänkt längemer eifach paar Täg, ha de aber ou dert widr paar mau verlengeret, wöuis so schön ha gfungä us würklech ungloublech viu uf däm chlinä Bitz Land z’bietä u z’gseh het.
Seongsan Ilchulbong Peak
Das isch z’grüäne Ding wosmer so atah het u mi in Tokyo derzue bewegt het nach Südkorea z’ga. Bidä Google-Biuder gsehtmes bidä Luftufnahmä besser was das gnau isch u wies usgseht 😀
Das dahiä isch dr Usblick vo Obä nachä ufä Räscht vor Inslä Jeju.
Mt. Hallasan (1’950 M.ü.M.)
Das isch zwar nig ganz so höch fürnä Bärg, aber schinbar isches haut dr Höchscht vo ganz Südkorea..
U d’Landschaft bim ufä wanderä isch ou wunderschön gsi – gseht fasch ä chli us wiä ir Schwiz irgendwo..
U das dert hinger isch dr Gipfu vo däm ganzä gsi
Jungmun Daepo Jusangjeolli Cliff
Diä 5- und 6-Sitigä Formä heimi ganz lang fasziniert. Chamers geng nuni so guet vorsteuä wiä das dürd Natur het chönnä entschta.
Yongmeori Coast
Mt. Snbangsan Cave Tämpu
Manjanggul Caves
Und zum Schluss bini nu ganä Lava Höhli aluegä – ou sehr idrücklech
Wird ou gseit, dass das d’Jeju Inslä in Miniatür isch:
