Kambodscha – Wäutreis.ch – Jonas & Simon Inderkummen 2016

Vo Laos, nach wie vor ds 3., simer witer nach Kambodscha. In Kambodscha heimer üs us Zytgründ uf Siem Reap bzw. ufä Angkor Wat uds ganzä Areau beschränkt. Da di ganzi Alag so wahnsinnig gross isch, heimer für das 4 Täg brucht ka. Mä muess sägä mir sis mit Velos ou sehr gmüätlech agängä u heis gnossä mau paar Täg nid gross umäz’hetzä. Am letstä Tag, am Sunti (31. Juli), simer mit Bussä witer adi Thailändischi Gränzä greist, wosech de üsi Wägä widr trennt hei. D’Olivia isch witer nach Bangkok fürä Flüger id Schwiz z’verwütschä u bi üs zwöinä isches witer, a ds nid wit vor Gränzä entfärntä Nang Rong in Thailand.

Dr Angkor u aui Tämplä wo derzue ghörä heinis sehr gfauä u mir hei üs ou scho lang vorhär druf gfröit ka 🙂