Ouschtraliä 1/2

In Bali heimernis äs paar Täg bevormer Indonesiä hei müässä (Visum) verlah, ufnes ganz nöis nächschts Ziu geeiniget. Theoretisch hättemer uf Kuala Lumpur wöuä flügä u vo dert üsi Reis wie grob planet fortsetzä. Damer aber hei gmerkt wie ungloublech nöch mä vo Bali uf Ouschtraliä het u mä diä Möglechkeit (grad vor Schwiz us) nid jedä 2. Tag het, isch Ouschtraliä sehr glägä cho. Zuedäm heimer zumnä chli goordnetä, organisiertä Ischub mit feinem u vo deheim bekanntem Ässä chum chönnä Nei sägä. Mit Müäh u Not heimer am morgä vor Abflug doch nu ä Camper bestätigt becho, am Flughafä nachdäm z’Check-In scho het zue ka d’Bestätigung vom E-Visa becho u de doch o nu dr Flüger ir letstä Sekundä verwütscht u so simer am Friti gägä Mittag in Perth acho. Üsi Mission für di nächschtä 3 Wuchä isch mitem Ziu Sydney, guet öppä 10’000 km und emnä eher eutärä u chlinä Chrüppu-Camper vor üs gstangä.

Pinnacles Desert Nambung Nationau Park

Öppä nach 2 Stung fahrt simer de oscho bim erstä Nationau Park achou mir si absolut happy am 1. Tag nach so churzer Zyt so öppis tolls chönnä z’gseh!

Relativ schnäu heimer de oscho di erschtä Kangaroos gseh…

… leider si die aui geng tot gsi u am Strassärand glägä:

Dr 1. Abä irgendwo z’Mitts ir Natur und absolutä Fridä uf Ärdä 🙂

Dasses ganz so chaut wird ir Nacht hättemer nachdänä paar Mönet super-Hitz scho nid erwartet ka, aber de doch knapp überläbt.

François Peron Nationau Park

U de gli drufabä simer oscho bim 2. Nationaupark glandet. Bidäm heimer mit üsem nid 4×4-Outo numä chönnä ä chlinä Teil ga aluegä. Derfür heimer in Monkey Mia freiläbendi Deuphinä u Schiudchröt im Wasser chönnä beobachtä.

Ningaloo Nationau Park

Witer isches richtig Ningaloo Nationau Park. Ufem Wäg derthärä ä chlini Zwüschästopp mitmä säuber gmachtä/improvisiärtä Zmittag – Teigwarä vom Vorabä, Melonä, Mais, Thon, Peperoni, Chilli, Olivänöu u Balsamico – mmmhmmmmm! 😀

A därä Steu o mau äs Foto vo üsem super Flitzer (bis dahärä heter o nu tiptop mitgmacht!):

U äs guet’s Schlükli Rhum-Cola u Gin-Tonic zum Znacht het o nid dörfä fählä!

Am nächschtä Tag heimer de ou dr Nationaupark erkundet u wunderschöni Stränd u Schnorchusteuänä gfungä.

Karijini Nationau Park

Paar Hundert Kilometer u öppämnä Tag Outo fahrä simer bim nächschtä Nationaupark acho: Karijini

Broome

Witer isches nach Broome, womer widr schöni Stränd hei gfungä u vergäbä nachdä Kameu (wie i üsem Reisefüährer beschriebä isch gsi) gsuecht hei.

Tanami Road/Wüäschti

Nachdäm vilä Outo fahrä heimer üs in Halls Creek ufnes nu grössers Abentür igla. Üses nechschtä Ziu ganz klar: Uluru. Vo Halls Creek heimer de vo därä super tollä Abchürzig kört Namens «Tanami Road/Desert». Über diä «Strass» spartmä guet 10 Stung Fahrzyt u si öppis me aus 1’000km bis nach Alice Springs. Z’Problem isch numä dassd d’Tanami Road ca. 700km nid asphautiert isch u über 600km ke Tanksteu het. Bi üsem Schluckspächt wo umdi 12l/100km suft, wird das auso schwierig. Somit heimernis 3x ä 10l Kanischter kouft, gfüeut mit Benzing u si losdüset.

Gottseidank simer nid so gändet.

U ja üses Outo het aues dür d’Tanami Wüäschti mitgmacht u ds Benzin het ou ganz knapp glängt ka..

Uluru & Kata Tjuta Nationau Park

.. Jedoch aber bim Uluru acho, het üses Redli nümm mitgmacht.

Dr Uluru isch trotzdäm wunderschön gsi! 🙂

U dr Kata Tjuta ou!

 

>> Hiä geit’s witer zum 2. Teil Ouschtraliä