Nacherä morts längä Busfahrt wo ungfähr 25 Stung het duret u quet dür Borneo isch gange, simer in Pontianak im Indonesischä Teil acho. Pontianak ligt genau ufem Äquator u viu meh aus das het diä Stadt anid z’biätä ka. U därum heimer am nächschtä Tag üs ä Flüger nach Jakarta gnu. In Jakarta, was speziau für sini grossä Verchehrstous u -chaos bekannt isch, het o nid grad viu me chönnä. Di meischti Zyt heimer i klimatisiertä Taxis & Shopping Centre verbracht. Därum simer de witer nach Yogyakarta, heinis äs Outo gschnappt u vorgnu paar Tämplä ga a’zluegä. Was aber de nid numä bi äs paar isch blibä u insgesamt rächt viu si gsi.
Candi Borobudur
Am nächschtä Morgä simer ir nöchi ga dr Sunnäufgang ufmä Hügu (Punthuk Setumbu) ga luegä. Im Näbu chamä numä dr Spithz vom Tämpu (Borobudur) erkennä.
Candi Sambisari
Candi Sari
Candi Kelasan
Candi Ratu Boko
Dert heimer au paar Meter äs Grüppli Soudatä vor Indonesischä Armee atroffä u jedes Mau hurti söuä fürnes Fötäli posierä. Dr Beschäftigungsgrad im indonesischä Militär schientsech nid würklech vo däm vor Schwizer Armee z’ungerscheidä 😉
Candi Prambanan
Candi Sewu
Candi Plaosan
Mitem Outo simer de witer ufä nach Solo (Surakarta) für 2 witeri Tämplä, wobi dr eint vom Näbu und emnä Grüscht totau Iüackt isch gsi.
Candi Cetho
Nach däm heimernis ä chlini spontani Tämpu-Uszit gönnt u si uf Rat vomnä Indonesier ufä ad Nordküschtä zur Inslä Karimunjawa gfahrä. Das üs uf därä natürlechä u einsamä Inslä het gfaue simer nu ä Nacht meh blibä aus zersch dänkt. Grandios gsi zum stundälang ga schnorchlä u eifach mau chli am Strand unger Paumenä z’ligä.
När heimer z’Outo widr uf Yogya (Yogyakarta) zrügbracht u si mitem Zug witer nach Malang….
… ga nume Tämplä aluegä.
Candi Kidal
Candi Sumberawan
Candi Jago
Candi Singosari
Vo Malang simer mitmä Bus witer nach Banyuwangi, womer ir Nacht üs ufä Wäg ufä zum Ijen Plateau hei gmacht zum ga di blauä Füür, dr Vulkankrater und Sunnäufgang z’luegä.
U mir si a paar (2-3) Steuä ou fündig wordä u hei gseh wiesech ds brönnändä Gas ir Nacht imnä faszinierändä blauä Füür zeigt:
Währendem Ufstig und im Krater simer mitärä Maskä usgrüstet gsi, wöus vom Schwäfu so fest stinkt u z.T. z’atmä erschwärt.
Viunä Ortä gsehtmä wiesi z’Schwäfu abbouä u dr Bärg abä trägä.
U das isch d’Ussicht obä ufem Rand abä is Kraterloch mitem See.
Zum Schluss heimer nu Bali unsicher gmacht u wunderschöni Stränd gnoss.
Und mitmä Tampu (ganz chli vorä ufder Klippä) dr Schluss la usklingä.
