Uf Palawan heimer nach dänä viunä Schiffsüberfahrtä aues chli gmüätlecher chönnä aga u viu umwärfend schöni Stränd, Insäli u super Schnorchu-Riffs chönnä gniässä. Wöu diä meischtä Stränd u Örtli sehr verteilt u zum Teil zimlech abgschnittä si, heimer in Puerto Princesa für guet 10 Täg chönnä äs Outo mietä, womer in El Nido hei zrügg gä. D’Strassänä si gröschtäteils sehr schlächt (unbetoniert, steinig & löchärig) gsi u dämentsprächend äs rächts Abentür dert umä z’fahrä. 🙂
Äs klassischs philippinischs Restauarant – simpu & gmüätlech!
Ufem Wäg vo Puerto Princesa zum Underground River in Sabang heimer ä ‹chlini› Höli gfungä, wo oscho sehr imposant isch gsi.
Sabang
Dr Strand vo Sabang isch nu gmüätlech, aber dürä Tag sehr beläbt..
.. öppä 10 bis 15 Minutä hingerä loufä si im Verhäutnis zumnä verlassnigä u 3x so schönä Strand scho lohnenswärt.
Am Löiiä
Üsä Badzimmer Mitbewohner am 1. Abä
U hiä üsä Badzimmer-Mitbewohner am 2. Abä:
Sabang – Underground River
Vo Sabang zum Underground River chunntmä entweder wiä 99% mit chlinä Bangka-Bötli oder mä cha guet ä Stung dürä Jungu loufä.
Links: Jungle-Trail Guide
Rächts: Jonas
Das isch dr Igang zum Underground River (dr Houptgrund wärum mer überhoupt dert härä si). Normalerwis fahrtmä mitem Paddu-Bötli ungfähr 1.2 km töif inä. Wemesech aber bitzäli gneuer informiert, git’s ä witäri Option mitärä Speziaubewiuigung. Ä chlinä Ufpris u mä cha ca. 4km töif inä ga, was de ou dämentsprächend Stundä lenger duuret. Derfür gsehtmä aber ou viu spektaktuläreri Skulpturä u Gebiude u mä isch zimlech sicher z’einzigä Bötli (Am 17. Apriu simer nu di 1. gsi i däm Monet miter lengärä Tour).
Tarantula…
Leider heimer vom Underground River nid viu meh schlaui Biuder, wöus drinin stockdunku isch gsi umer nur sehr begränzt mit Taschälampänä/Blitzä usgrüstet si gsi. Ä eigäti sehrhäui Taschälampä mitznä, wär sehr vorteilhaft gsi 🙂
Port Barton
Port Barton isch rächt äs chlises und härzig Dörfli uf het im Verglich zu El Nido uf jedä Fau bi witem nuni so viu Touris. Dert heimer ä 1-Tages Islandhopping Tour gmacht u ganz viu schöni Schnorchu Pltzäli u Inslänä/Stränd bsuecht.
Schnorchu-Master 2000
Ä Sandbank, wo vou isch gsi mit Seestärnä.
U zum Zmittag ganz früschä u superfeinä Fisch.
Tres Amigos
El Nido
In El Nido het scho di nechschti Islandhopping Tour mit diversä Inslänä, Lagoonä, Stränd u Hölinä uf üs gwartet.
Hiä mau äs Fötäli vorä typisch philippinischä Bangka:
Big Lagoon:
Snake Island:
Secret Lagoon:
Diräkt näb üsem Hoteu het’s grad ä Mangrove Waud ka.
Für Palawan isch das ä verhätnismässäg gueti Strass.
Nacpan Beach:
In dieses Restaurant möchte ich auch kommen!
Simu am löiiä, sieht schon sehr entspannt aus…! Lieber Knopf im Baum als Knopf im Kopf, schaut super aus!
Von den diversen Brücken hätte ich doch etwas Respekt und würde sie wohl unter grösster Anstrengung begehen.
Jungs, ihr erlebt und seht ja Dinge – das ist ja wunderbar – geniesst es in vollen Zügen – es ist so etwas Einmaliges was ihr da zusammen macht!!!!
!Ihr seid super!
Stef
nid numä z’Restaurant isch toll gsi, sondern ou dr Usblick vo dert isch Hammer gsi!
Mir fragä üs immer nu, wiä dass ä Boum uf sonä Idee chunnt?!
U ja bidä Brüggänä söttmä eifach vous vertrauä idi philippinischi Boukunscht ha, ou we immer wieder mau irgendwo ä Houzladä oder-tritt fäuht, süsch verhet z’meischtä scho rächt guet 🙂
Mir wärdes sicherlech witerhin nu gniässä u Fröiä üs nu viles meh chönnä z’erläbä u gseh.
U natürlech fröiemer üs de ou wieder hei z’cho!
Simon & Jonas
nid numä z’Restaurant isch toll gsi, sondern ou dr Usblick vo dert isch Hammer gsi!
Mir fragä üs immer nu, wiä dass ä Boum uf sonä Idee chunnt?!
U ja bidä Brüggänä söttmä eifach vous vertrauä idi philippinischi Boukunscht ha, ou we immer wieder mau irgendwo ä Houzladä oder-tritt fäuht, süsch verhet z’meischtä scho rächt guet 🙂
Mir wärdes sicherlech witerhin nu gniässä u Fröiä üs nu viles meh chönnä z’erläbä u gseh.
U natürlech fröiemer üs de ou wieder hei z’cho!
Simon & Jonas