Bohol, Cebu City, Iloilo City & Cuyo Islands (Philippinä) – Wäutreis.ch

Mitärä RORO Fähri simer vo Camiguin diräkt übärä uf Bohol u nach guet 4h Fahrt in Jagna acho. Dert simer när witer mitemnä Bus uf Taglibaran u vo dert numau mitemnä Bus uf Panglao Island.

Bohol

U da simer de ou ändlech fündig wordä was Tarsier abelangt. 🙂

Am pfüsälä, wie fasch die ganzi Zyt dürä Tag:

Churz vormä Absprung:

Whalesharks im Wasser si ou sehr idrücklech u risä grossi (bis zu umdi +/- 10m) Ficher!

Fasch wiä zBärn ar Aarä.

Chocolate Hills – ä luschtägi Lunä vor Natur

Ä witeri Schiffsfahrt, vo Tagbilaran (Bohol) nach Cebu City

Cebu

Cebu isch leider numä begränzt fotogen u därum gömer grad diräkt über zur nächschtä Schiffsüberfahrt nach Iloilo City.

Iloilo

Eigentlech hätemer ds Schiff am Tag druf am Samsti morgä wöuä nä, am Friti isch üs äs Bierpong drzwüschä cho u so isches de Mänti Abä wordä. Dasmer am Mänti hei witer chönnä, heimer wouh z’fragwürdigschtä Schiff uf üsärä ganzä Reis idä Philippinä buecht.

Ds isch när mit 6 Stung Verspätig nachärä Fläschä Wii u äs paar Liter Bier de ou am morgä am 1, voubeladä haub Passagierä u haub Cargo inklusiv Outos, Töffä, natürlech X Hüähner u was süsch nu aues so druff het Platz ka, losdüset.

Cuyo

Nach ca. 13.5h simer in Cuyo im Kitesurfing Paradies Nr.1 vodä Philippinä acho…

… leider heimer de rächt schnäu usägfungä, dass d’Kite Saison vor paar Wuchä isch z’Änd gangä.

Äs Basketbaufäud fingtmä natürlech ou ufdä chlinschtä Inlsänä. Das isch ufdä Philippinä genau so sicher wienä Chiuchä.

Damer doch witer hei wöuä u di nächschti Fähri ersch i angerhaub Wuchä wär gangä umer äbä doch nid hei chönnä Kitä, heimer üs fürnes supercools u absolut eimaligs Flugerläbnis mit Air Juan entschidä.