Aus nächschts simer nacherä 3-Tagesreis (via Surigao City – Butuan City – Balingoan) in Camiguin acho. Ds Reisä ufdä Philippinä mit Bus u Schiff duuret rächt lang u während dr HOLY WEEK umso lenger, da denn Usnahmezuestang herrscht. Am beschtä nimmtmes eifach geng wie’s chunnt u so glassä wies geit.
Camiguin isch ä relativ chlini Inslä mit villech ungfähr 25km Durchmässer. Für ihri grössi het’si aber trotzdäm sehr viu z’biätä – 7 Vulkän, mindischtens 3 Wasserfäu, diversi Korauäriffs zum schnorchlä & vili Touch-Spots, einägi chauti u warmi Schwäffuqueuänä zum Badä, ä Chrüzwäg, Ruiinänä, ä Flughafä, 2 Schiffshäfä, und und und…
Vom «Sunken Cemetery» us simer dr Chrüzwäg ufä zum «Old Volcano» gloffä, womer när diä Ussicht (hautetsech in Gränzä) hei ka:
Das isch süsch irgendwo im Jungu
U fasch geng u überau chamä früschi Frücht (vorauem Mango, Bananä, Calamansi & Bananä) ha, wo eifach unverglichbar fein u Wäutä entfernt vo Coop- & Migros-Frücht si.
Ä witerä Wasserfau – si würklech nu idrücklech höch u chunnt fei chli Wasser abä. Absolut lohnenswärt!
U numau ä Wasserfau – bitzäli weniger beeidruckend, derfür ä imposanti höchi!
Diä nätti Statueä het üs dr Wäg vor Strasse unger zumnä Treehouse Hostel zeigt, womer eigentlech scho im Vorus hei drüber gläsä ka u hätä wöuä härä ga…
… leider isches aber Ändi letst Jahr abbrönnt u mir hei nur nu d’Überräschtä chönnä ga aluegä.
«Sunken Cemetery» – isch super zum ga schnorchlä gsi.
Eifach äs guets Team:
Und absolut Erlüchtet:
Das isch ou nu ä nättä Amigo gsi.
U disä het üs uf üsärä Vulkan-Wanderig zersch nid wöuä dürä la.
Wir präsentieren «Kuh-Dumbo»:
Immer widr mau paar Geissä, kört ou zum philippinischä Autag.
U hiä nu äs hochintelligänts Modäu, wo si Freiheitsradius würklech bis as Limit usreizt.
Zimmer-Mitbewohner
Ä Klassiker:
Hallo Ihr zwei Weltenbummler
Sehr schöne und interessante Reisedokumentation. Freue mich immer wieder von Euch zu hören.
Vielen Dank auch für die schöne Karte. Am liebsten möchte ich auch an einem so schönen Strand sein und einfach nix tuuuuuuuun.
Geniesst weiterhin Eure Reise.
Ganz liebe Grüsse und ein fester Drücker und Munzi
Gotti
Liebs Gotti
Gärngscheh, dämfau het üsi Poschtchartä dr Wäg id Schwiz gfungä. Eifach nüt machä muess mängisch haut o si 🙂 Mir gniessä üsi Reis uf jedä Fau u wärdä Afangs nächscht Wuchä d’Philippinä verlah und witer ziäh Richtig Malaysia (Borneo).
Mir hoffä öich geit’s ou guet u nämet’s nid z’sträng!
Ganz liebi Grüäss usder Wermi
Jonas & Simon